ابوذيات حلوهه

اخ من دمع العيون لو صاح جرحي كضن دموع العين لو صاح جرحي انة جرحي نزف راحت روحي متكلي شيردهة لية

ســــــأدع الدُنيـــــا تفعَـــــل بــــــــــيّ مَـــــا تشــــــاء
فَــــــ هـــــــيّ
لــــنَ تتجـــــــرأ آن تفَعـــــــل
أگثــــــــر مِمــــــــآ گتبـــــــہ آللہ لــــــــــيّ






بعيني شفته اخذ كلبي وفر بي
وعمده عالجمر حطه وفر بي
ليش الاضحك بوجهه وفر بي
(من اصد عنه يحط سجين بيه)



(أنـــه ذيـــــب ألـــــيــــل مــجــنـون أبــهـــواك)
(أنــه ذيــــب أبـــن ألـــوفـــه ألــمــابـــي غـــدر)



الدمعه مافاركت عيني واناطر
بعد جنحاني ماصفن واناطيــر
عفتني او ماكلت رايح واناطر
اعوفك لون ماتحط ايدك بديه



إذا شكا لك شاب من قسوة امرأة ، فاعلم أن قلبه بين يديها

الحب زهرة ناضرة لا يفوح أريجها إلا إذا تساقطت عليها قطرات الدموع






هو:
ليش المظاهر ليش تغير كلوب .... بسوك الذهب تباع كلمه المحبوب
هي:
حلوه انه هيهات ماتلكه مثلي ....وغيرك شباب هواي تتمنه وصلي
هو:
الحسن حسن الروح مو بالمظاهر....وين الوفى والشوك وين المشاعر
هي:
كل الوفى والشوك ماعمر قصور .... والمابظفره طحين كل وكته مهجور
هو:
مغروره انتي هواي كافي الملامه ....مايحصد المغرور غير الندامه



بالحب كلي انت شبيك وياي
متغير عليه وصاير تملني
اذا اكراه حبك هذا حجيي وياك
لا احبك انا ولاريدك تحبني





اذا كلك ورد محتار ابوسك وين
خايف من ابوسك اكسر اغصانك
واذا انته العطر يشتم عبيره اورود
يعني الورد ذايب هوا بحضانك


انه من ازعل ركض اركض عليك
ولا تهدني وخلي نغرك بالعشك
انت من تخزرني اذوب بين اديك
يعني من تبوسني راح احترك




شريد اهديلك اني بعيدك اليوم
ممفكر ادزلك اي هدية
بس انطيك روحي وعمري ويا
ومدينة من المحبة بكلبي مبنية




مجنون اني بيك واعترف زين
ولا انكر محبتي خاطر الناس
احس بحسنك انت ساكن العين
واحسك بيه تدخل وـي الانفاس





ما جبرتك تحبني حتى بيه تلوم
كتلك خل علاقتنا صداقه
ضحيت لأجلنا اني باغلى الناس
ونسيت لخاطرك اجمل علاقه
احجي وياك لين خاطر ارضيك
وتجي توصف كلامي بالحماقه





أصعب حب الذي يأتي في زمان الخطأ
أصعب حلم الذي يبدأ دون إن نعرف له نهاية
أصعب نهاية نهاية حب الذي يخترقه سهم الخيانة






أصعب إنسان الذي على وجهة أشياء لا علاقة لها بما يدول داخلة
أصعب قرار عندما تتنازل عن الكبرياء إمام الضرورة
أصعب لحظة عندما يصافحك إنسان في لحظة وداع
وأنت تعلم إن طريق العودة مستحيل






أصعب مكان عندما تعود للبيت جمعك يوما مع من تحب
فلا تجد فيه غير بقايا عمر رحل وذكريات لن تعود
أصعب ذكريات حلم مات بين يدك ولم تستطيع إن تدفنه
أصعب دموع تلك التي تذرفها أمام من لا يستحق




أصعب الأماني إن تأتمن عليها من لايدرك قيمتها
أصعب لقاء عندما تكشف أن من ظننته الأمل أصبح هو المستحيل
أصعب موقف أن تجد عزيز لديك في ساعة محنة وأنت غير قادر على مساعده
أصعب بداية إن ينتهي منك كل شي ويبدأ من جديد
بعد فوات الأوان




اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه



فليت الجرح حسبالي ملموم
وخرت الاضماد وبينت انته
جرحك مايروح مايفيد اضماد
جرحك بالكلب ول الله سلمته



يعني شلون تالي كلي وياك
احبك لو اكرهك لو اعوفك
و دنياي اني احسها ويه دنياك
وتفرحلي دنيتي من اشوفك



حلو وتتكلب ويختلف وضعك
وكذلتك طايرة وتلعب على ألريح
ألوحيد أنت حلو ومحد يتبعك
لإن من تمر كلهة تدوخ وتطيح


ليش غدرت بيه واني وافيت
ونسيت كل التعبته اني عليك
من حبيتك انت كالوا خوان
شجاني جذبتهم وصدكت بيك



من كلشي أغار اعليك وكَليبي ينهار
وي غيري شفتك يوم كَلبي أشتعل نار



وي غيري شفتك يوم اِحترك كلي
حقي من اغار اعليك بس انت خِلي



منك أغار أعليك يل انتَ مني
وأنت بقصد يهواي تحرك بدمي



عشگتك لاتذلني إحسبها زين أرجوك
ماريد آني أظل لوحدي أضحيـلك
ماريد أبني لأجلك كعبة جوّه الروح
أخاف أبنيها تالي تهد عليّ فيلك




ما خفت اعله روحي تدوسهه بيوم
آني تعودت احمل جروحــــــــــــك
لكن روحي انت وخفت من هاي
يعني لو دستني تدوس روحك





البارحه بيدي طفيــت الشموع
وكلبي هددته وحلف ما يثق بيك
شكد بجيت وخلصت كل الدموع
وقررت للدوم ما ابجي عليـــــك




لــو نـاسيـك احسـن يـمكن ارتـاح
بـس صـدگني أموت اشمـا يـمر ذكرك
لأن وي روحـي احسك أنت عايـش دوم
واذا مـاردت ابـالغ روحـي اعتبــرك







ما جيت اعتذر جيت اعتب على الروح
وحبك نسيته ومن الكَلب شــــــــلته

ولا تظن اعتذر باب العذر مسدود
بقفل وســــــــلاسل بيدي قافلتــــه


وك جنت اعشككَ وافضلك على الروح
واشتاك وانتة وياي واكَول اليوم ما شفته



وبــــحبك بنيت قصــــــور من الشوكَ
يالـــجيت بغروركَ قصر الشوكَ هدمته

مو كافي تحمل كَلبي هم وضيــــم
وبأسم العشكَ ينسى وبطيبه يكَلك هالذنب عفته

ما فـــــــادت الطيبه كَلي ليش وياك
مو هـــــــذا التريده اشرب الردتـــــه


ما اكَـــــــلك نسيتك ما اكَـــــــــلك لا
اليحب ما تنباع برخص اسعار عاطفته

مو لازم اكَـــــــلك اني تركتــــــــك ليش
لان كل شي الحجيته وياي بسذاجة وطيب صدكَته


بس هسه اعترف كَلبي تعافى وطـــــــاب
يالجانت محبتـــك داءه وعلـــــــــــته


ولأن حبك ذنب وكَلبي اعترف بيه
راح امحي الذنب وابريه من ذمتـــــــه

جيت اعتذر جيت اعتب على الروح
ولحبك نسيته ومن الكَلب شلتــــــــه




راح وكسر خاطري ولملم طيوفه وشال

ونهر المحبه نشف ظلت جروفه وشال

الزمن ما عافني رد عالكفوف وشل

ما عفت حبك انا گلبي على گلبك ظل

عالهجر شو تعتني عالوصل دومك ظل

بچتافي اغطي الشمس بالصيف اصيرن ظل

لو مر عليك الشتا لفني على صدرك شال





اطيور العشگ يل تنشد صفن تك

وحبيبي الله شگد حلوه صفنتك

ونين الفرگه من شفته صفنتك

يل تنشد علل الگال هاي البوذيه

ميت سبب فرگاك خطتها اديه






حسبه وتدكَ بالراس وكلش قويه *** اهلي وحبيب الروح زعلوا عليه


همومي وهم الكون يمك يروحن *** وعيوني بس بالشوكَ يمك يبوحن


بطارش ادز الروح لاموبديه *** بس لاحبيب الروح يزعل عليه





هجرك يا ولف صاير...بلا حد
مثل سيف اليكص ركبة...بلا حد
كلتلي انتظري انا ارجع....بالاحد
اجه الاحد ويمتى تعود اليه




أحد سجين صبري وجن...ولا احد
التفت وما شفت ربعي...ولا حد
جم سبت اليمر بيا ...والاحد
اجي بس شوفتج تصعب علية




تهم بالعمر خلصان...وحدة
وانا ضعني سرى بالهوى...وحدة
حلت جنها بعيونك غير ...وحدة
وكمت ما تجي وما تسأل علية





غيرج ما حلى بعيني...ولا طاب
ولا دونج دخل قلبي...ولا طاب
يا جرحي وياج لا هود...ولاطاب
دم ينزل ولا تدرين بية





محبتك تسري وي روحي...وي دماي
وعليك انشلت عظامي...و يدماي
انجويت بيد انا نار...ويد ماي
لكن من يطابكهن سوية






عليج الروح راحت...من يردها
و وكيحة همومي صارت...من يردها
خطية الروح ملت...من يردها
لأن بس الصبر يسأل علية




عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!





رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟





كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه




شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه




تموت الروح ياولفي بعدكم


ورياح المسك مافاحت بعدكم


ترى اشماطال يالغالي بعدكم


محبتكم بعدهه هيه هيه






يكاس العمر ماظل وشل بيك
ويجرحي لشوكت تنزف وشل بيك
تكلي ليش متمرمر وشل بيك
تهت منهو اليدلني عليه




ذا گلبك يحـــــــــــبني انطيني اثبات
وابصمــــــــــــلك احبك اني بالعشرة

بگد بغداد احبــــــــــك وبغلات الروح
وأنا لأجلك احب واعــــشگ البصرة

يلعينــــــك جزيرة أتيـــــّه الخيـــــال
ومعـــــــــــلوم اليشوفك ينشغل فكرة

وحگ رقة احساسك يارقيق أحساس
أفرح من أشوفك فرحــــــــة الزهرة

وأحزن لو غبت عني حزن عاشور
وحگ شهر الصيام وحرمته وأجره

وحگ حبك حبيبي وقـــسم بالرحمن
الگلب عگبك عليل ومنتهي أمـــره

ياأحلى ورد ياتــــــــرف چنك ياس
وأخذ لونه الورد منك وأخذ عطره

من شــــــعرك يصيح الليل آه ياليل
ويخجل من عيونك ياحـــــلو فجره

الشمس منك تغار وتستحي وتغيب
لأن انت بجمـــــالك ياحلو بهره

ولازم تستحي وطبعا أكيد تغيب
لأن ويه الشمس ماترهم الگمره







معشر العشاق باللة خبرو إذ حل عشقٌ بالفتى كيف يصنعُ؟

يداري هواه ثم يكتم سرهُ ويخشع في كل الأمور ويخضعُ

فكيف يداري والهوى قاتل الفتى وفي كل يوم قلبهُ يتقطعُ

اذا لم يجد صبراً لكتمان سرهِ فليس لهُ شيءً سِوا الموت انفعُ

سمِعنا وأطعنا ثم مُتنا فبلغوا سلامي على من كان للوصل يمنعُ

فها أنا مطروحٌ من الوجدِ ميتا لعلى إلهي بالآخرةٍ يجمعُ