دارميات

بالجرف هلغرگـيت سبحني بغمــاگ
كل هذا وأرضه وياك بس لا للفراگ
-----------
بالـگـلب يطلع شيب هم انته شايف
من فرگـتك يفلان دون آنه خايـــــف
-----------
شوك النبت بـچـلاك تـگـدر تكسره
وبـگـلبي ست فالات كلهن امعسره
-----------
حته الصبر مليت شـگـگـته آنــــــــه
ومحبوبي صار أسنين شو ما إجانــه
-----------
أرد اشلع الدلال واشعل ابيــــــــــــه
چـي شوفة الغالين صعبت عليـــــــه
-----------
كون الجروح ازيد ميه اعله ميــــــه
بس انته سالم كون وتحن عليـــــــــه
-----------
فول وزهر وشباچ وطـگـوني صليه
يا چـيحة الغمان حني عليــــــــــــــه
-----------
عازم إلك كل يوم اتعنـــــــــــه بيتك
خايف تـگـول بيــــــوم لحظه نسيتك
-----------
ثق وأعتقد والله گـلبي شلعتــــــــــــه
حبل الموده شبيك خايب گـطعتــــــه
-----------
أبو ذيات
خذت دلالي مني وأنته شلتـــــــــــــه
وثبت حبك بـگـلبي وأنته شلتـــــــــه
عفت كل وضعي بيدك وأنته شلتــــه
شلل نصفي بغرامك صار بيــــــــــه
----------------
حياتي احزان خلصت وانته بيهـــــه
وانته الصرت امهه وانته بيهـــــــــه
شكثر نفخر بذكرك وانته بيهـــــــــه
حزينه وماتت بعله خفيــــــــــــــــــه
-------------
وحق العالي ربنه ومصطفى آنــــــه
أنه الماخربطت صفي ومصطفى آنه
تعرفني النوايب مصطفى آنـــــــــــه
أدب وأخلاق من تنشد عليـــــــــــــه
-------------
مجنون بمحبتك قافل آنــــــــــــــــــه
وسرك وسط گـلبي قافل آنـــــــــــــه
چـثير أشعار أنضملك قافل آنـــــــــه
وأظل وياك لآخر نفس بيــــــــــــه
-------------
آنه الدنيه بمماتي چـالبيهــــــــــــــــه
شواطي الروح دهله چـالبيهــــــــــه
اعله روحي تريد تنشد چـالبيهـــــــه
زغيره وما تحملت هاي الاذيــــــــه
-------------
اكسرت عصاة شماتي ولاهـــــــــــم
وكبرت روحي على الحسره ولاهــم
انه الماردت من زغـري ولاهـــــــم
واحس انذال همه وقســــــــــــوا بيه
-------------
انه الراحت احلامي ولا مـــــــــا ل
وحـچـي العدل عندي ولا مــــــــا ل
شلت دنياي وحدي ولا مــــــــــــا ل
وحـچـي الباطل شوف اشعمل بيــــه
-------------
تـگـول ارشادي ما فادك ونص حي
وطرفكم دره بقصــــــتي ونص حي
نصي صبــــــــــــح ميت ونص حي
أخذ نصي السليم وخان بيــــــــــــــه
-------------
بدليلي ياما الك لوعات وهمـــــــــوم
وحـچـي الوصلك عليه چـذب وهموم
ذوله الرادوا يغيرونه وهمـــــــــــوم
اجوني وحـچـوا عنك بالرديــــــــــه
-------------
عفيته
عفيته وما عفـــــه شخصي عفاريت
وجن وأنس لامـــــــــوني وعفاريت
تكبر صعدت أحــــــــواله وعفاريت
يحب غيري طلع ما حن عليــــــــــه
يحب غيري وما يحب اليوم شخصي
وعدوچ من حبيبـچ دوم شخصـــــي
شبدر مني ونكرني وخان بيــــــــــه
شبدر مني ونكرني ومنكرانـــــــــــه
ويريت العمر بيدي ومنكرانــــــــــه
ذبحني من النحر سيفه ومنكرانــــــه
راية السلم شحت عليـــــــــــــــــــــه