اكتب ياقلم ولتخاف الي يلوم

اكتب ياقلم لتخاف الي يلوم
مازالت صخية وياك الاوراق

آنة ابن العراق ودوم متهوم

ومن ايدي الحلم كل ساعة ينباك

اجيت بعالي صوتي وي الوكت كوم
اجيت بايدي وردة وماني تفاك

اجيت احجي الحقية بكلب مالوم
اعتاب عالوعد ماجان صداك

شباب آنة واعيش اشلون مهظوم
وشفت تاريخ عمري بايد سراك

وشفت شعبي مريض وكله مألوم
وشفت دمة الشريف بكاعة ينراك

ولك احنة كواسر مايهمنة الموت

وابد مايوم نمشي براك الارواك

ولو نبقى لشش عالكاع متوذرات

يخاف يمر علينة يلمنه عتاك

تعلمنه البعد والظيم بالبلدان

ولو سلنة الوكت وايام الفراك

انتفاظتنة جبيرة اترجع الراح

وانة صوتي الف مليون تفاك